Vaxtarsamningur Austurlands

                                                                 2010 -2013                     

                                                                                              1. gr.

Aðilar samningsinsIðnaðarráðuneytið, kt. 650169-1079, Lindargötu, Arnarhvoli, 150 Reykjavík og Þróunarfélag Austurlands, kt.560683 0309, Miðvangi 2-4, Egilsstöðum, gera með sér eftirfarandi vaxtarsamning. Aðilar skuldbinda sig til samstarfs í samræmi við markmið og önnur ákvæði samningsins.

2. gr.Markmið samningsinsMarkmið samningsins er að efla nýsköpun og samkeppnishæfni atvinnulífsins á starfssvæði Samband Sveitarfélaga á Austurlandi og auka hagvöxt með virku samstarfi fyrirtækja, háskóla, sveitarfélaga og ríkisins.Leiðir að þessu markmiði skulu m.a. vera.:  

1. Efla samstarf fyrirtækja, háskóla og opinberra stofnana um þróun og nýsköpun í þágu atvinnulífsins.
2. Þróa áfram og efla klasasamstarf vaxtargreina svæðisins og efla svæðisbundna sérþekkingu á vel skilgreindum styrkleikasviðum.
3. Fjölga samkeppnishæfum fyrirtækjum og störfum og efla framboð á vörum og þjónustu.
4. Stuðla að útflutningi vöru og þjónustu og gjaldeyrisskapandi starfsemi.
5. Nýta möguleika sem skapast með aðild að alþjóðlegum verkefnum.
6. Laða að alþjóðlega fjárfestingu og þekkingu.

  3. gr.Áherslur og sértæk markmiðÁhersla lögð á uppbyggingu klasa og framgang rannsókna og þróunar á sviði náttúru og sjálfbærni.Áherslur og markmið geta tekið breytingum vegna stefnumótunar og samþættingu áætlana á grundvelli Sóknaráætlunar 2020.  

4.gr.VerkefnastjórnIðnaðarráðherra skipar fimm manna verkefnastjórn vaxtarsamningsins, þ.m.t. formann. Iðnaðarráðherra skipar fimm manna verkefnastjórn vaxtarsamningsins, þ.m.t. formann. Stjórnin skal þannig skipuð: einn samkvæmt ábendingu frá Sambandi Sveitarfélaga á Austurlandi, einn samkvæmt ábendingu frá Samtökum Atvinnulífsins, einn samkvæmt ábendingu frá Stofnun fræðasetra Háskóla Íslands, einn án tilnefningar. Þá tilnefnir Nýsköpunarmiðstöð Íslands einn stjórnarmann. Seta í verkefnastjórn er ólaunuð.   

5. gr.Hlutverk verkefnastjórnarHlutverk verkefnastjórnar er að gæta þess að farið sé að markmiðum og leiðum samningsins og hafa eftirlit með framkvæmd hans. Verkefnastjórn skal fara yfir tillögur Þróunarfélags Austurlands um styrkhæf verkefni. Iðnaðarráðuneytið gerir frekari grein fyrir útfærslu hlutverks verkefnastjórnar með erindisbréfi.Við val á styrkhæfum verkefnum skulu markmið og leiðir samningsins höfð að leiðarljósi.  Þeir sem sitja í verkefnastjórn skulu gæta að vanhæfisreglum við ákvarðanatöku og víkja sæti ef fyrirliggjandi aðstæður eru til þess fallnar að draga úr trú á óhlutdrægni hans við val á verkefnum. Ef viðkomandi er vanhæfur, ber honum að víkja af fundi og skráist það í fundargerð. Ekki nægir að viðkomandi sitji hjá við atkvæðagreiðslu um mál sem hann er vanhæfur í. Við mat á vanhæfi skal hafa til hliðsjónar ákvæði stjórnsýslulaga nr. 37/1993.Hvert verkefni fyrir sig skal setja fram með þeim hætti að unnt sé að meta efndir, árangur og kostnað þess í samræmi við verklagsreglur við úthlutun.  

6. gr. Hlutverk þróunarfélags AusturlandsÞróunarfélag Austurlands annast framkvæmd samningsins og gerir tillögur til verkefnastjórnar um útfærslu markmiða hans og þeirra leiða sem áætlanir og val verkefna skulu byggja á. Rekstrarkostnaður vegna framkvæmdar samningsins skal greiddur af  almennum fjárveitingum ríkisins til Þróunarfélags Austurlands.Þróunarfélag Austurlands vinnur úr styrkumsóknum og gerir tillögu að styrkhæfum verkefnum og ber undir verkefnastjórn til samþykktar.Þróunarfélag Austurlands ber ábyrgð á því að standa iðnaðarráðuneytinu eða öðrum þeim sem iðnaðarráðuneytið felur ábyrgð á yfirferð slíkra gagna, skil á aðgerða- og fjárhagsáætlunum, framvinduskýrslum og ársreikningum, að undangenginni yfirferð og samþykkt verkefnastjórnar.

Eftirfarandi áætlanir skulu sendar iðnaðarráðuneytinu:

a.       langtímaáætlun til fjögurra ára sem byggir á markmiðum 2. gr., send fyrir 1. mars 2010

b.      starfsáætlun til eins árs, send fyrir 15. febrúar ár hvert

c.       framvinduskýrslu árlega, send fyrir 15. febrúar

d.      ársreikning í samræmi við uppsetningu í viðauka 1

e.       fyrir 1. mars 2014 skal atvinnuþróunarfélagið afhenda iðnaðarráðuneyti lokaskýrslu um árangur verkefna og samningsins í heild og fjárhagslegt lokauppgjör.Aðgerða- og fjárhagsáætlanir skulu tímasettar og vera með skýrum árangursmælikvörðum, sbr. fylgiskjal um samræmda mælikvarða sem verkefnastjórnin setur hverju verkefni.Framvinduskýrsla skal innihalda greinargerð um framkvæmd vaxtarsamningsins á liðnu ári og samanburð við markmið aðgerðaáætlununar. Ársreikningar skulu staðfestir af löggiltum endurskoðanda.   

7. gr.Framlag iðnaðarráðuneytisinsIðnaðarráðuneytið mun fjármagna allt að 50% af styrkhæfum kostnaði einstakra verkefna, gegn mótframlagi annarra þátttakenda. Skilgreiningu á styrkhæfum kostnaði er að finna í viðauka 2.Framlag iðnaðarráðuneytisins til verkefna verður kr. 20 milljónir á árinu 2010 en framlög verða ákveðin sérstaklega árlega í fjögur ár frá undirritun samnings þessa. Framlag hvers árs greiðist ársfjórðungslega með jöfnum afborgunum enda séu öll skilyrði samningsins uppfyllt. Framlög iðnaðarráðuneytis eru háð fjárheimild Alþingis hverju sinni.Framlag fyrsta árs samningsins greiðist gegn framlagningu áætlana skv. a. og b. lið 4. mgr. 6. gr.  Framlög síðari ára greiðast gegn framlagningu aðgerða- og fjárhagsáætlunar fyrir viðkomandi ár og framvinduskýrslu ásamt ársreikningi fyrir árið á undan. Heimilt er að semja um framlag annarra en aðila samnings þessa enda hafi það ekki önnur áhrif á samningin en til aukningar á fjármagni og framlagi sérfræðivinnu. Gera skal sérstakan samning um slíkt samstarf.  

8. gr.Útlagður kostnaðurKostnað vegna funda verkefnastjórnar og ferðakostnað stjórnarmanna vegna funda er heimilt að greiða af framlögum til vaxtarsamnings og skal sá kostnaður greiðast eftir reikningi. Auglýsingakostnaður sem tengist beint markmiðum og framkvæmd samningsins er heimilt að greiða af framlögum hans. Kostnaður við endurskoðun greiðist af samningnum.Heimilt er að greiða atvinnuþróunarfélaginu allt að 50% af kostnaði við að stýra sérverkefnum og klasastjórn að því tilskyldu að aðrir fjármögnunaraðilar samþykki þátttöku í þeim kostnaði og þáttakendur viðkomandi verkefna séu samþykkir slíku fyrirkomulagi. 

9. gr.Ráðstöfun fjár og uppgjörSkilyrði við ráðstöfun fjár er að viðkomandi verkefni feli í sér samstarf þriggja eða fleiri aðila og falli að markmiðum samningsins sem og verklagsreglum um úthlutun sem verkefnastjórn setur á grundvelli þeirra. Atvinnuþróunarfélagið skal auglýsa eftir umsóknum um þátttöku í verkefnum sem falla að samningsmarkmiðum og verkefnastjórn samningsins skal í hverju tilfelli taka endanlega ákvörðun um hvort verkefni hlýtur framlag. Gera skal skriflega samninga vegna allra verkefna þar sem framlög og skyldur aðila koma fram.Tilhögun greiðslna skal vera í samræmi við framvindu verkefnis og í samræmi við samþykktar áætlanir. 

10. gr.Árangursmat og endurskoðunMælikvarðar sem fylgja samningi þessum verða notaðir til þess að fara yfir árangur hvers verkefnis um sig og samningsins í heild sinni, sjá nánar í viðauka 3.Komi í ljós að ekki tekst að vinna eftir markmiði og leiðum samningsins skulu aðilar þegar taka upp viðræður um hvernig úr skuli bætt eða samningnum breytt.Aðilar samnings þessa munu á árinu 2013 hefja viðræður um það hvort samningurinn verði framlengdur. Ákvörðun um það skal liggja fyrir eigi síðar en 30. september 2013. 

11. gr.Gildistími og uppsagnarákvæðiSamningur þessi er gerður í tveimur samhljóða eintökum og gildir frá undirritun til 31. desember 2013. Verkefni sem búið er að samþykkja og fjármagna í gildistíð eldri samnings skulu færast yfir á hinn nýja samning. Óráðstöfuðu fé úr eldri samning skal færa yfir í hinn nýja samning. Samningurinn er þó uppsegjanlegur af beggja hálfu með 3ja mánaða fyrirvara. Uppsögn skal vera skrifleg og skulu ástæður tilgreindar. 

Reykjavík febrúar 2010      

___________________________                  __________________________________    

f.h. iðnaðarráðuneytis                                            f.h. Þróunarfélags Austurlands                           

Viðauki 1

Styrkhæfur kostnaður Iðnaðarráðuneytið tekur þátt í fjármögnun styrkhæfs kostnaðar. Styrkhæfur kostnaður skal koma fram í umsókn um stuðning og eftirfarandi er til leiðbeiningar um hvað fellur undir styrkhæfan kostnað:Styrkhæf verkefni eru rannsóknar- þróunar- og nýsköpunarverkefni sem markvisst stefna að markaðssetningu nýrrar eða endurbættrar vöru eða þjónustu, þ.m.t. ferðaþjónustu og skapandi greina. Nánar er kveðið á um styrkhæfni verkefna í 2. gr. samningsins.Um verkefni sem kostuð eru af vaxtarsamningnum gilda eftirfarandi reglur:Viðurkenndir kostnaðarliðir vegna styrkhæfra verkefna:

• Laun og launatengd gjöld
• Rekstrarvörur og efni o.fl.
• Aðkeypt þjónusta
• Ferðir og fundir
• Markaðsrannsókn/könnun

Nánari útlistun einstakra kostnaðarliða:Laun og launatengd gjöldLagður er til grundvallar sá tími sem starfsmenn (þátttakendur) vinna í verkefninu.

• Til hliðsjónar skulu vera almennir kjarasamningar og stofnanasamningar.
• Launakostnaður miðast við útborguð laun að viðbættum launatengdum gjöldum.
• Ekki er hægt að nota útseldan taxta til viðmiðunar við útreikning launa.

 Rekstrarvörur
Í umsókn skal upplýst um aðföng fyrir verkefnið. Sé um að ræða almennar rekstrarvörur tengdar  rannsókna- og þróunarstarfsemi er fullnægjandi að lýsa rekstrarvörunum stuttlega og áætla samtölu kostnaðar. Sé á hinn bóginn um sérhæfðar rannsóknir að ræða þar sem þörf er á dýrum rekstrarvörum eins og oft á sér stað í tilraunaframleiðslu skal upplýsa um vöruflokka og einingarverð.  Aðkeypt þjónustaLýst skal aðkeyptri þjónustu undir þessum lið hvort heldur sem hún er unnin af stofnun eða fyrirtæki sem jafnframt er umsækjandi eða öðrum rekstraraðilum. Gerð skal grein fyrir hvað felst í hinni aðkeyptu þjónustu eða ráðgjöf, hvers vegna hún er keypt af viðkomandi aðila, hvað þjónustan kostar, hver sé hinn skilgreindi afrakstur og hverjir eru afgreiðsluskilmálar.  Ferðir og fundirGerð skal grein fyrir öllum ferðum bæði utanlands og innanlands, hver er tilgangur ferðanna, hvert farið er og hvað ferðirnar kosta. Akstur innanlands vegna lengri ferða og í stað flugs innanlands er greiddur skv. reglum fjármálaráðuneytis nr. 1/2009, á grundvelli akstursdagbókar og skv. framlögðum reikningi. Markaðskönnun/rannsóknMarkaðskönnun til að kanna viðbrögð markaðarins við notagildi hugmyndar og hvort raunverulegur og arðsamur markaður geti verið fyrir hendi.Hefðbundið markaðsstarf starfandi fyrirtækja sem ekki felur í sér aðgerðir tengdum nýjum vörum og þjónustu er ekki styrkhæft úr vaxtarsamningi.

Vaxtarsamningurinn fjármagnar ekki:

• Fjárfestingu í hráefnum þ.m.t. tækjum og búnaði sem eru hlutar af afurð eða  þjónustu  sem ætluð er til sölu.
• Fjárfestingu í sjálfu framleiðsluferlinu og umhverfi þeirra þ.m.t. húsnæði og tækjabúnaði til framleiðslu  afurða og þjónustu sem ætluð er til sölu.
• Vaxtarsamningurinn styður ekki markaðsfærslu og sölustarfsemi umfram framangreint.

 Vaxtarsamningurinn samþykkir ekki kostnað sem fallið hefur til vegna verkefnis áður en umsókn er lögð inn hjá umsjónaraðilum vaxtasamnings, þ.m.t.  mótframlag þátttakenda.                              

Viðauki 2

Framsetning fjárhagsupplýsinga Í ársskýrslu vaxtarsamnings skal gera ráð fyrir ráðstöfun fjárframlaga til hans með ársreikningi. Ársreikningur skal hafa að geyma rekstrarreikning, efnahagsreikning, sjóðstreymi og skýringar vaxtarsamnings og skal taka mið af lögum um ársreikninga nr. 3/2006 við gerð hans. Jafnframt skal fylgja áritun endurskoðenda. Við hvern lið í efnahags- og rekstrarreikningi skal sýna samsvarandi fjárhæð fyrir fyrra reikningsár til samanburðar. 

Í rekstrarreikningi skal tilgreina:

·         Rekstrartekjur

·         Rekstrargjöld

·         rekstrarhagnað án fjármunatekna og fjármagnsgjalda

·         Fjármagnstekjur og fjármagnsgjöld

·         Rekstrarafkoma ársins

·          Í efnahagsreikningi skal tilgreina:

·         Veltufjármunir

·         Eigið fé

·         Skuldir

·         Eigið fé og skuldir samtals

·          Í sjóðstreymi skal tilgreina:

·         Rekstrarhreyfingar

·         Breyting á handbæru fé

·         Handbært fé í ársbyrjun

·         Handbært fé í árslok

·          Skýringar skulu taka mið af 43. gr. laganna og veita upplýsingar um þau atriði sem tilgreind eru í 44.-64. gr. Gera skal sérstaklega grein fyrir viðskiptum við umsjónaraðila(þeim sem falin er framkvæmd samningsins) vaxtarsamningsins sbr. 63. gr. „félag skal gera grein fyrir viðskiptum við tengda aðila“. Í skýringum skal sundurliða tekjur og tilgreina hverjir leggja til framlög til vaxtarsamnings. Einnig skal sundurliða gjöld og koma skal fram hverjir eru móttakendur framlaga og til hvaða verkefna framlögin eru ætluð. Í sérstakri greinagerð skal koma fram sundurliðun á heildarframlagi til hvers verkefnis sem vaxtarsamningurinn er aðili að og hverjir séu þáttakendur í viðkomandi verkefni.     ´

Viðauki 3

Viðmið um mat á framkvæmd vaxtarsamnings Lagt er til að verkefnisstjórn taki mið af neðangreindum þáttum við mat umsókna til vaxtarsamnings. Hvert verkefni verður metið út frá viðmiðunum eins og kostur er í hverju tilfelli.  Árangur sérhvers verkefnis sem vaxtarsamningur hefur stutt verður metinn og mun matið framkvæmt með tilliti til framvindu samkvæmt upphaflegri verkáætlun og væntum árangri.  

1. Viðmið við mat á verkefnaumsóknum 

Fjöldi fyrirtækja í verkefnaumsókn            Uppfyllir umsókn kröfu um lágmarksfjölda virkra þátttökufyrirtækja?

Aðkoma háskóla og/eða rannsóknastofnana?Er gert ráð fyrir þátttöku háskóla og/ eða rannsóknastofnana í rannsóknar- og þróunarstarfi?

Markmið og væntur  árangurEru markmið verkefnis skýr? Er ljóst hverju verkefnið á að skila?

Samanburður við meginmarkmið vaxtarsamnings Falla markmið verkefnis að markmiðum vaxtarsamnings skv. 2.gr. og svæðisbundnum áherslum?

Sjálfbærni  samstarfs Er um langtímasjónarmið í samstarfi að ræða? Er líklegt að samstarf haldi áfram eftir að fjármögnun vaxtarsamnings til verkefnis lýkur?

Vaxtarmöguleikar Eru viðskiptalegar forsendur fyrir framhaldslífi verkefnis? Eru vaxtarmöguleikar til staðar?

Nýsköpunargildi Hvert er nýnæmisgildi verkefnis fyrir fyrirtæki og/eða atvinnusvæði?

FjármögnunHvert er hlutfall fjármögnunar vaxtarsamnings af heildarkostnaði verkefnis?

Framlag umsækjendaHvernig skiptist mótframlag umsækjenda milli fjármagns og vinnuframlags?

Verk-, tíma- og kostnaðaráætlun            Er áætlun raunhæf? Er verkefnið skýrt afmarkað svo sem verkþættir og vinnuferlar?Verkefnaskipulag og framlög umsækjendaEr verkaskipting og aðkoma/framlag  þátttökufyrirtækja skýr í verkefni? Er ljóst hver ber ábyrgð á framkvæmd verkefnis?

Mikilvægi samstarfs             Er mikilvægi samstarfs ljóst í verkefnaumsókn?

Þarfir fyrirtækja,  sameiginleg markmið og hagsmunirEr horft  til hagsmuna og þarfa fyrirtækja í verkefnaumsókn? Hverjir eru sameiginlegir hagsmunir þátttakenda? 

2. Árangursmat að loknu verkefni 

Árangur samkvæmt verkáætlun             Náðist tilætlaður árangur sem stefnt var að í upphafi?

Viðhorfskönnun             Kannað verði hjá þátttakendum verkefnis viðhorf til verkefnis og ávinning