Stefnt er að því að ferðamönnum á Austurlandi fjölgi úr tæplega 200 þúsund árið 2005 í rúmlega 500 þúsund árlega árið 2020. Samhliða er stefnt að því að lengja dvalartíma erlendra ferðamanna úr 2 nóttum í 2,5 nætur og innlendra ferðamanna úr 4,4 nóttum í 5 nætur. Auk þess sem gert er ráð fyrir að dagleg útgjöld innlendra ferðamanna á Austurlandi hækki á núvirði úr 6.000 krónum árið 2005  í 7.000 krónur árið 2020 og úr 9.000 krónum í 10.000 krónur meðal erlendra ferðamanna. Þá er gengið útfrá umtalsverði aukningu í vetrarferðaþjónustu. Slík þróun myndi hafa það í för með sér að tekjur af ferðaþjónustu á Austurlandi 3,5 faldist á 15 árum þ.e. fari úr 4 milljörðum árið 2005 í um 14 milljarða árið 2020.